مروحة تسببت في خطوبة محمد العمروسي ومي فاروق.. مفاجأة

احتفلت المطربة مي فاروق، مساء أمس الأحد بحفل خطوبتها على الفنان محمد العمروسي وسط حضور الأهل والأصدقاء.

وكشفت المخرجة بتول عرفة السر وراء تعارف محمد العمروسى على مى فاروق، حيث نشرت صورة من الخطوبة علقت عبر حسابها على فيسبوك.

وكتبت بتول، على الصورة: بعد شهر من فرحى كلمتنى روح قلبى مي فاروق وقالت لى فرحك كان سبب فرحة قلبى.

وأضافت: حصل إيه بقى يا حلوين.. الحلوة مى كانت واقفة فى فرحى حرانة من الجو راح بقى الشاطر محمد كراجل چنتل إداها مروحة كانت فى يده علشان تهوى وتلطف الجو.

وأكدت: بس ومن هنا اتعرفوا على بعض والجو بقى لطيف على الآخر وبقى كله هنا وحب.. مبروك يا حبايبى ربنا يلطف أيامكم ويحليها يا رب ويسعد قلوبكم ويجعلكم سند لبعض يا رب.